குன்றத்தூர் அபிராமி சம்பவம்: எனது பார்வை

குன்றத்தூர் அபிராமி சம்பவம்: எனது பார்வை

கள்ளக்காதலுக்காகத் தனது குழந்தைகளையும், கணவரையும் கொலை செய்யத் துணிந்த குன்றத்தூர் அபிராமி குறித்த சம்பவம், சமூகத்தில் பெரும் அதிர்வலைகளை ஏற்படுத்தியது. பாலில் தூக்க மாத்திரை கலந்து கொடுத்து, நான்கு வயது பெண் குழந்தை உயிரிழந்தது. கணவரும், ஏழு வயது மகனும் அதிர்ஷ்டவசமாகத் தப்பினர். பின்னர், கணவர் வேலைக்குச் சென்றவுடன், ஏழு வயது மகனை தலையணையால் அமுக்கி மூச்சுத் திணறடித்துக் கொன்றாள் அபிராமி.

2018 ஆம் ஆண்டு தமிழகம் முழுவதும் பரபரப்பாகப் பேசப்பட்ட இந்தக் கொலை வழக்கு, பலரையும் அதிர்ச்சியில் ஆழ்த்தியது. திரையுலகப் பிரபலமும், சூப்பர் ஸ்டாருமான ரஜினிகாந்த், இந்தக் கொலை வழக்கில் தனிக் கவனம் செலுத்தி, அபிராமியின் கணவரைத் தனது போயஸ் கார்டன் வீட்டிற்கு வரவழைத்து ஆறுதல் கூறியதுடன், சில உதவிகளையும் செய்தார் என்பது அப்போது பரவலாகப் பேசப்பட்டது.

சம்பவத்தின் பின்னணி

குன்றத்தூர் அபிராமியும் விஜய்யும் கல்லூரிப் பருவத்தில் காதலித்துத் திருமணம் செய்து கொண்டவர்கள். விஜய்யின் குடும்பத்தினர் இந்தத் திருமணத்தை ஏற்றுக்கொள்ளாததால், விஜய் தனது மனைவி அபிராமியின் வீட்டின் அருகிலேயே குடியேறினார்.

மாலை வேலை முடிந்ததும் அல்லது விடுமுறை நாட்களில் விஜய் தனது குடும்பத்தினருடன் அருகில் உள்ள ஒரு பிரியாணிக் கடைக்குச் செல்வது வழக்கம். இதை அபிராமி தனக்குச் சாதகமாக்கிக்கொண்டார். கணவர் இல்லாத நேரத்தில், அந்தக் கடைக்கு போன் செய்து உணவை வரவழைக்கத் தொடங்கினார். Zomato மற்றும் Swiggy போன்ற உணவு விநியோகச் சேவைகள் இல்லாத அக்காலத்தில், கடையில் வேலை செய்த மீனாட்சி சுந்தரம் என்பவர் அபிராமிக்கு நேரடியாகப் பார்சல்களை வழங்கியுள்ளார். நாளடைவில் இது கள்ளக்காதலாக மாறி, கொலையில் முடிந்துள்ளது.

இதிலிருந்து நாம் புரிந்துகொள்ள வேண்டியவை

இந்தச் சம்பவத்திலிருந்து நாம் இரண்டு முக்கிய விஷயங்களைப் புரிந்துகொள்ள வேண்டும்:

1. கட்டுப்பாடற்ற சுதந்திரமான வாழ்க்கை: தனிமனித சுதந்திரம் என்ற பெயரில், எந்தவிதக் கட்டுப்பாடுகளும் இல்லாத வாழ்க்கை முறை.
2. எந்த நேரத்திலும், எந்த உணவையும் உட்கொள்ளும் மனநிலை: உணவுப் பழக்கவழக்கங்களில் கடைப்பிடிக்க வேண்டிய நியதிகளைப் புறக்கணிப்பது.

பொதுவாக, இந்துக்களாகப் பிறந்தவர்களுக்கு என்று சில கட்டுப்பாடுகள் உள்ளன:

• சில உணவுகளை மட்டுமே உண்பது.
• சில உணவுகளைத் தவிர்ப்பது.
• உணவே உணர்வுகளின் தூண்டுதலுக்குக் காரணமாக அமைகிறது என்பதைப் புரிந்துகொள்வது.

உணவுப் பழக்கவழக்கங்களில் சைவ உணவு உண்பவர்களுக்கும், அசைவ உணவு உண்பவர்களுக்கும் சில விதிமுறைகள் காலங்காலமாக நடைமுறையில் உள்ளன:

• சைவ உணவு உண்பவர்கள் விசேஷ நாட்களில் வெங்காயம் மற்றும் பூண்டைத் தவிர்ப்பார்கள்.
• அசைவ உணவு உண்பவர்கள் விசேஷ நாட்களில் அசைவ உணவைத் தவிர்ப்பார்கள்.
• மேலும், உணவை எந்த நேரத்தில் உட்கொள்ள வேண்டும் என்ற சில நியதிகளையும் அவர்கள் கடைப்பிடிப்பார்கள்.

இந்தக் கட்டுப்பாடுகள் இந்து சமூகத்தில் உள்ள பிராமணர்கள் முதல் அசைவம் உண்ணும் மற்ற பிரிவினர் வரை பொதுவாகப் பின்பற்றப்படுபவை.

சமூகக் கட்டுப்பாடுகளின் முக்கியத்துவம்

இன்று, 'சுதந்திரம்' மற்றும் 'பகுத்தறிவு' போன்ற சில போலியான வார்த்தை ஜால அரசியல் காரணமாக, இந்து சமூகத்தில் உள்ள அனைவரும் கொஞ்சம் கொஞ்சமாக நமது பண்பாட்டு நெறிகளை இழந்து வருகிறோம். இதுவே அபிராமி போன்றவர்கள் உருவாவதற்கு முக்கிய காரணம்.

இந்து சமூகத்தில் உள்ள ஜாதிக் கட்டுப்பாடுகள் மற்றும் அதனுடன் தொடர்புடைய வாழ்க்கை முறை, ஒழுக்கத்தைக் காப்பதற்கான ஒரு வழிமுறை .

இன்றைய சமூகத்தில் உள்ளவர்கள், இந்த உணவுப் கட்டுப்பாடுகளையும், கலாச்சார விதிகளையும் மதிப்பதில்லை.

அபிராமியின் குடும்பத்தினரோ அல்லது கணவரோ இத்தகைய நியதிக்குட்பட்ட வாழ்க்கை முறையைப் பின்பற்றியிருந்தால், அதாவது 'இந்த நேரத்தில் தான் நான் பிரியாணியை உட்கொள்ள வேண்டும், சில விசேஷ தினங்களில் தவிர்க்க வேண்டும், எப்பொழுதுமே அசைவ உணவை எடுத்துக்கொள்ளக் கூடாது' போன்ற இந்து சமூகக் கட்டுப்பாடுகளை வைத்திருந்தால்,

'நாம் உட்கொள்ளும் உணவுதான் உணர்வுகளைத் தூண்டிவிட்டு நமக்கே எமனாக ஆகிறது' என்பதை நன்கு புரிந்து இருந்தால், இது போன்ற படுபாதகச் செயல்கள் நடந்திருக்காது .